विकासगंगेच फसव चित्र थंडीतच कोरड्या पडलेल्या नळांनी ऊघड केल्यानंतर ह्यापुढे तरी आपले - परके , खर्या - खोट्यातला फरक ओळखुन दुर्लक्षित झालेल्या आड , नद्या , ओढ्यांची म्हणजेच आपल्या जीवनदायी जलस्त्रोतांची काकुळतीची हाक ऐकुन त्यांची दुरावस्था दूर करण्याचे प्रयत्न व्हायला हवेत. त्यासाठी नद्या - ओढ्यांना नासवणारे प्रदुषण आणि नद्यांसकट धरण , बंधारे , तलावांचे अस्तित्वच बुजवायला निघालेला गाळ तसेच गाव - शहरातील भुजलाची दुरावस्था आणि खालावलेली पातळी ह्या आजच्या विदारक परिस्थितीविरोधात आपल्यातले सर्वप्रकारचे भेदाभेद विसरून समाजातल्या सर्व स्तरातल्या लोकांनी एकत्र येऊन ऋतुमानाप्रमाणे " नेमेची येऊन " दुष्काळात स्वार्थाचा सुकाळ आणणार्या ह्या अवर्षणाच्या दुश्चक्राला कायमस्वरूपी हद्दपार करण्याचे अथक शाश्वत प्रयत्न केले पाहिजेत आणि केवळ त्यानंतरच ह्या दुष्काळामागे दडलेल्या भस्मासुरांना जरब बसेल
मित्रांनो ह्या ब्लॉगमधील सुरूवातीचे लेख 2012 सालच्या दुष्काळावर आधारित 2013 साली मी लिहिले होते तिथपासून आजवर तंत्रज्ञान आणि भवतालच्या विश्वात बरेच मोठे बदल घडले पण दुर्दैवाने देशाच्या नशिबातील अवर्षणाच्या रेषा आजहि तश्याच आहेत. म्हणून ते लेख आजच्या परिस्थितीवरहि लागु पडतात हि खरी शोकांतिका आहे.
कोणत्याही टिप्पण्या नाहीत:
टिप्पणी पोस्ट करा